News By - Narayan Jadhav

केळघर येथील उर्वरीत लेनचे काम पूर्ण करा व कामात दिरंगाई करणाऱ्या अधिकाऱ्यांवर कारवाई करा .. राष्ट्रवादी युवक काँग्रेसचे युवा नेते ..संकेत पाटील .
*सहयाद्री न्युज स्टार ११*
केळघर ( नारायण जाधव )
महाबळेश्वर ते विटा या प्रमुख राज्यमार्गाचे केळघर बाजारपेठे सह परिसरात उर्वरीत लेनचे काम अपूर्ण असुन याचा बाजारपेठेतील व्यापाऱ्यांनसह परिसरातील वाहन चालक व नागरिकांना प्रचंड त्रास सहन करावा लागत असुन या कामात दिरंगाई करणाऱ्या ठेकेदार व अधिकाऱ्यांची सखोल चौकशी करावी अन्यथा राष्ट्रवादी युवक कॉंग्रेसच्या वतीने आंदोलन छेडले जाईल असा इशारा राष्ट्रवादी काँग्रेसचे युवा नेते संकेत पाटील यांनी दिला आहे .
राष्ट्रवादी युवक काँग्रेसच्या वतीने बांधकाम विभागाच्या अधिकाऱ्यांना लेखी निवेदन देण्यात आले त्यांनी निवेदनात म्हटले आहे की केळघर येथील उर्वरीत रखडलेल्या लेनचे काम तातडीने पूर्ण करावे केळघर बाजार पेठेत रहदारीच्या ठिकाणी स्पिड ब्रेकर लावण्यात यावेत . शाळेच्या जवळ स्पिड ब्रेकर व सुचना फलक लावण्यात यावेत
ठिकठिकाणी ड्रिनेज उघडे असलेने परिसरात दुर्गंधी पसरली असुन ते झाखण्यात यावीत व रखडलेली सर्व कामे नियमानुसार लवकर पूर्ण करावीत अशी मागणी राष्ट्रवादी युवक कॉंग्रेसच्या वतीने युवा नेते संकेत पाटील यांनी केली आहे .
यावेळी राट्रवादीचे सचिन सावले, समिर झोरे, श्रीकांत पाडळे, आमन चहाण, ऋषी शेलार, राजु सुतार यांचेसह कार्यकर्ते उपस्थित होते .
यावेळी बांधकाम विभागाचे उपअभियंता श्री . डी . एच . पवार यांनी लवकरच केळघर येथील रस्ताचे काम पूर्ण करणार असल्याचे सांगितले .